Français
Après une réunion en décembre 2021 entre la commissaire de la GRC Brenda Lucki et Natan Obed, président de l'Inuit Tapiriit Kanatami (ITK), les deux organisations ont élaboré un plan de travail pour aider à améliorer les relations entre les communautés inuites et la GRC.
Le plan est le point de départ d'une démarche de collaboration entre la GRC et les Inuits à l'échelle nationale pour combler les lacunes et cerner les priorités en matière de services de police, avec l'objectif de favoriser la transparence et la confiance.
Bon nombre des mesures prévues découlent des recommandations liées au Plan d'action national inuit sur la disparition et les assassinats de femmes et de filles inuites et de personnes 2SLGBTQQIA+, qui comprend les priorités inuites concernant les appels à la justice énoncés dans le rapport final de l'Enquête nationale sur les femmes et les filles autochtones disparues et assassinées. Ces mesures s'inscrivent dans les engagements fédéraux qui ont été identifiés sous la Voie fédérale concernant les femmes, les filles et les personnes 2ELGBTQQIA+ autochtones disparues et assassinées.
La GRC travaillera avec l'ITK en ce qui concerne :
- l'échange de données sur les suicides, les tentatives de suicide et les pensées suicidaires;
- la formation culturelle obligatoire des agents qui travaillent dans l'Inuit Nunangat;
- la hausse de la représentation inuite à la GRC et l'accès amélioré aux personnes parlant inuktitut;
- la contribution à la stratégie fédérale sur la justice autochtone dirigée par Justice Canada.
Dans le cadre du plan de travail, la GRC s'engage à consulter régulièrement les leaders inuits pour faire un suivi des progrès. Les deux organisations sont déterminées à échanger de l'information et à collaborer à la résolution des problèmes.
Les Inuits ont longtemps subi de la discrimination, de la négligence et de la violence dans le système de justice pénale. Les interactions de nos communautés avec la police ont été tendues. Avec ce nouveau plan de travail, nous espérons bâtir de nouvelles relations fondées sur le respect et la confiance mutuelle.
La confiance mutuelle, le respect et l'empathie sont essentiels pour que la police et les communautés inuites bâtissent des relations saines. La GRC s'engage à travailler avec l'ITK pour mettre en œuvre ce plan de travail afin de réparer, de rebâtir et d'améliorer nos relations avec les communautés de l'Inuit Nunangat.
L'ITK est l'organisation qui représente les Inuits du Canada à l'échelle nationale. L'Inuit Nunangat est composé de quatre régions : région désignée des Inuvialuit (Territoires du Nord-Ouest), Nunavut, Nunavik (Nord du Québec) et Nunatsiavut (Terre-Neuve-et-Labrador).
La GRC fournit des services de police dans plus de 70 pour cent des communautés de l'Inuit Nunangat, y compris au Nunavut, au Nunatsiavut et dans la région désignée des Inuvialuit.
Inuit Tapiriit Kanatami
media@itk.ca
GRC
RCMP.HQMediaRelations-DGRelationsmedias.GRC@rcmp-grc.gc.ca
ᐃᓄᒃᑎᑐᑦ
ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪ ᐸᓖᓯᒃᑯᑦ (RCMP) ᑲᑐᔾᔨᓪᓗᑎᒃ ᐱᓕᕆᖃᑎᒌᖕᓂᖏᑦ ᐱᐅᓯᒋᐊᖅᑎᑕᐅᖁᓪᓗᒋᑦ ᐸᓖᓯᒃᑯᑦ ᐊᒻᒪ ᐃᓄᐃᑦ ᐱᓕᕆᖃᑎᒌᒃᐸᓐᓂᖏᑦ
ᑲᑎᒪᖃᑎᒌᒑᓂᒃᑲᒥᒃ ᑎᓯᐱᕆ 2021-ᒥ ᑲᒥᓯᓄᑦ ᐳᕆᓐᑕ ᓚᑭ, ᕈᐃᐅᓪ ᑲᓃᑎᐊᓐ ᒪᐅᓐᑎᑦ ᐳᓖᔅ-ᑯᓐᓄᑦ (RCMPᔭᐸᓖᓯᒃᑯᑦ) ᐊᒻᒪ ᐊᖏᔪᖅᑳᖅ ᓇᐃᑖᓐ ᐆᐱᒃ, ᐃᓄᐃᑦ ᑕᐱᕇᑦ ᑲᓇᑕᒥ (ITK), ᑕᒪᕐᒥᐅᓪᓗᑎᒃ ᑲᑐᔾᔨᖃᑎᒌᖑᔫᒃ ᐋᖅᑭᒃᓱᐃᓯᒪᓕᖅᑐᒃ ᐊᒥᖅᑲᕈᑎᒋᓗᓂᑦᔪᒃ ᐱᓕᕆᐊᖑᓂᐊᖅᑐᓂᒃ ᐃᑲᔪᕈᑎᒃᓴᐅᓪᓗᑎᒃ ᐱᐅᓯᒋᐊᖅᑎᑕᐅᓯᒪᓂᒃᓴᖏᑕ ᐱᓕᕆᖃᑎᒌᒃᐸᓐᓂᐅᔪᓄᑦ ᐃᓄᐃᑦ ᓄᓇᓕᒋᔭᖏᓐᓂᑦ ᐊᒻᒪ ᐸᓖᓯᒃᑯᓐᓂᑦ (RCMP).
ᐸᕐᓇᐅᑎᓕᐅᕐᓂᖓᑦ ᐱᒋᐊᕐᕕᐅᕗᖅ ᑲᑐᔾᔨᖃᑎᒌᒃᖢᑎᒃ ᐱᓕᕆᖃᑎᒌᓕᕐᓂᐊᕐᓂᖏᑕ ᐸᓖᓯᒃᑯᑦ (RCMP) ᐊᒻᒪ ᐃᓄᐃᑦ ᑲᓇᑕᐅᑉ ᖁᑦᓯᖕᓂᖓᒍᑦ ᐱᓕᕆᐊᖑᓯᒪᓕᖁᓪᓗᒋᑦ ᐃᓚᑰᓂᖃᕐᕕᐅᔪᑦ ᐊᒻᒪ ᓯᕗᓪᓕᖅᐸᐅᑎᑕᒃᓴᐅᔪᑦ ᐸᓖᓯᖃᖅᐸᖕᓂᓕᕆᓂᕐᓂ, ᑐᕌᕐᕕᒃᓴᖃᖅᑎᑕᐅᓪᓗᑎᒃ ᐱᕈᖅᑎᑦᓯᓯᒪᓕᕆᐊᒥᖕᓄᑦ ᑕᑯᒃᓴᐅᑦᓯᐊᖅᑐᑎᒍᑦ ᐊᒻᒪ ᐅᒃᐱᕆᑐᕋᐅᑦᓯᐊᕈᖕᓇᕐᓂᖏᓂᒃ.
ᐊᒥᓱᑦ ᐱᓕᕆᐊᖑᓕᕆᐊᓖᑦ ᓴᖅᑭᑎᑕᐅᓯᒪᕗᑦ ᐊᑐᓕᖁᔭᐅᓪᓗᑎᒃ ᐃᓱᒪᓕᐅᕈᑎᐅᓯᒪᓕᓚᐅᖅᑐᓂᑦ ᑲᓇᑕᒥ ᐃᓄᐃᑦ ᐱᓕᕆᐊᖑᓕᖅᑐᒃᓴᓄᑦ ᐸᕐᓇᐅᑎᓕᐊᕆᓯᒪᔭᖏᓂᑦ ᐱᔾᔪᑎᒋᓪᓗᒋᑦ ᐊᓯᐅᔨᔭᐅᓯᒪᔪᑦ ᐊᒻᒪᓗ ᐃᓄᐊᖅᑕᐅᓯᒪᔪᑦ ᐃᓄᐃᑦ ᐊᕐᓇᐃᑦ, ᓂᕕᐊᖅᓯᐊᑦ ᐊᒻᒪᓗ 2SLGBTQQIA+-ᖑᓪᓗᑎᒃ ᐃᓅᖃᑎᒌᒃᑐᐃᑦ, ᐃᓚᖃᖅᑎᑦᓯᓯᒪᓪᓗᑎᒃ ᐃᓄᐃᑦ ᓯᕗᓪᓕᖅᐸᐅᑎᑕᐅᖁᔭᖏᓂᒃ ᐃᑲᔪᖅᑐᒐᐅᓯᒪᓕᖁᓪᓗᒋᑦ ᑎᓕᐅᕆᔾᔪᑎᐅᓯᒪᔪᑦ ᐊᑐᓕᖅᑎᑕᐅᖁᓪᓗᒋᑦ ᑲᓇᑕᒥ ᑐᑭᓯᓯᒪᓕᕆᐊᕐᓂᐅᓚᐅᖅᑐᓂᑦ ᖃᐅᔨᓴᐃᓂᖅᑎᒍᑦ ᐊᓯᐅᔨᔭᐅᓯᒪᔪᓄᑦ ᐊᒻᒪᓗ ᐃᓄᐊᖅᑕᐅᓯᒪᔪᓄᑦ ᓄᓇᖃᖅᑳᖅᓯᒪᔪᐃᑦ ᐊᕐᓇᖏᓂᑦ ᐊᒻᒪᓗ ᓂᕕᐊᖅᓯᐊᖏᓂᑦ. ᑕᒪᒃᑯᐊ ᐱᓕᕆᐊᖑᔪᑦ ᒪᓕᒃᑎᑕᐅᖕᒥᔪᑦ ᒐᕙᒪᑐᖃᒃᑯᑦ ᐱᓕᕆᐊᕆᓂᐊᕐᓂᕋᖅᓯᒪᓪᓗᒋᑦ ᓇᓗᓇᐃᖅᓯᒪᔭᖏᓂᒃ ᒪᓕᒃᑎᑕᐅᓪᓗᑎᒃ ᒐᕙᒪᑐᖃᒃᑯᑦ ᓇᐅᒃᑰᕐᕕᒃᓴᖁᑎᖏᓐᓂ ᐱᓕᕆᐊᖑᓯᒪᓕᖁᓪᓗᒋᒃ ᐊᓯᐅᔨᔭᐅᓯᒪᔪᑦ ᐊᒻᒪᓗ ᐃᓄᐊᖅᑕᐅᓯᒪᔪᓄᑦ ᓄᓇᖃᖅᑳᖅᓯᒪᔪᐃᑦ ᐊᕐᓇᖏᑦ, ᓂᕕᐊᖅᓯᐊᖏᑦ ᐊᒻᒪ 2SLGBTQQIA+-ᖑᓪᓗᑎᒃ ᐃᓅᖃᑎᒌᒃᑐᐃᑦ.
ᐸᓖᓯᒃᑯᑦ (RCMP) ᐱᓕᕆᖃᑎᖃᕐᓂᐊᖅᑐᑦ ᐃᓄᐃᑦ ᑕᐱᕇᒃᑯᓐᓂᒃ ᑲᓇᑕᒥ (ITK) ᒪᑯᓄᖓ ᑐᕌᖅᑎᑕᐅᓯᒪᔪᓄᑦ:
- ᑐᑭᓯᒋᕐᕕᒃᓴᖁᑎᒥᓐᓂᒃ ᐊᒥᖅᑲᕈᑎᖃᕐᓂᐊᕐᓂᕐᒧᑦ ᐃᖕᒥᓃᖅᖢᑎᒃ ᑐᖁᔾᔪᑎᖃᖅᓯᒪᔪᓄᑦ, ᐃᒻᒥᓃᖅᖢᑎᒃ ᑐᖁᔾᔪᑎᖃᕋᓱᒃᓯᒪᔪᓄᑦ ᐊᒻᒪ ᐃᒻᒥᓃᕈᒪᓂᕐᒧᑦ ᐃᓱᒻᒥᖅᓯᒪᖃᑦᑕᖅᓯᒪᔪᓄᑦ
- ᐱᔭᕆᐊᖃᖅᑎᑕᐅᓪᓗᑎᒃ ᐱᐅᓯᑐᖃᓕᕆᓂᕐᒧᑦ ᐱᓕᒻᒪᒃᓴᔭᐅᓯᒪᔭᕆᐊᖃᕐᓂᖏᑕ ᐸᓖᓯᐅᔪᑦ ᐃᖅᑲᓇᐃᔮᖃᖅᑐᓄᑦ ᐃᓄᐃᑦ ᓄᓇᖓᓐᓂ
- ᐊᒥᓱᕈᖅᑎᑕᐅᓯᒪᓕᕐᓂᒃᓴᖏᑕ ᐃᓄᖕᓄᑦ ᐱᔾᔪᑎᖃᖅᑎᐅᔪᓄᑦ ᐸᓖᓯᒃᑯᑦ (RCMP) ᐱᓕᕆᕝᕕᖏᑕ ᐃᓗᐊᓂ ᐊᒻᒪ ᐱᐅᓯᒋᐊᖅᑎᑕᐅᓯᒪᓕᕐᓗᑎᒃ ᐃᓄᒃᑐᑦ ᐅᖃᓪᓚᒍᖕᓇᖅᑐᓂᒃ ᐃᖅᑲᓇᐃᔭᖅᑎᖃᕈᓐᓇᕐᓂᖏᑕ
- ᑲᑐᔾᔨᖃᑎᒌᒃᓗᑎᒃ ᐱᓕᕆᖃᑕᐅᓂᖏᓐᓂᒃ ᑐᕌᖓᔪᓄᑦ ᒐᕙᒪᑐᖃᒃᑯᑦ ᓄᓇᖃᖅᑳᖅᓯᒪᔪᐃᑦ ᐃᖅᑲᖅᑐᐃᕝᕕᓕᕆᓂᕐᒥ ᐸᕐᓇᐅᑎᓕᐊᖏᓐᓄᑦ ᓯᕗᓕᖅᑎᖃᕐᓗᑎᒃ ᑲᓇᑕᒥ ᐃᖅᑲᖅᑐᐃᕝᕕᓕᕆᔨᕐᔪᐊᒃᑯᖏᓐᓂᒃ.
ᐃᓚᒋᔭᐅᖃᑕᐅᓪᓗᓂ ᐱᓕᕆᐊᖑᔪᒃᓴᐅᓪᓗᑎᒃ ᐸᕐᓇᐅᑎᓄᑦ, ᐸᓖᓯᒃᑯᑦ (RCMP) ᐱᓕᕆᓂᖃᖃᑦᑕᕐᓂᐊᕐᓂᕐᒥᓐᓂᒃ ᓇᓗᓇᐃᖅᓯᓯᒪᕗᑦ ᖃᐅᔨᒋᐊᕐᕕᖃᖃᑦᑕᕐᓂᐊᕐᓂᕐᒥᓐᓄᑦ ᐃᓄᐃᑦ ᓯᕗᓕᖅᑎᒋᔭᖏᓐᓂᑦ ᓇᐅᑦᓯᖅᑐᐃᓂᕐᒥᖕᓂ ᐱᓕᕆᐊᖑᓕᖅᓯᒪᔪᓂᒃ. ᑕᒪᕐᒥᒃ ᑲᑐᔾᔨᖃᑎᒌᖑᔫᒃ ᐱᓕᕆᐊᒃᓴᖃᕐᒪᑎᒃ ᐊᒥᖅᑲᕈᑎᖃᖃᑦᑕᕐᓂᐊᕐᓂᕐᒥᓐᓄᑦ ᑐᓴᒐᒃᓴᖁᑎᒥᖕᓂᒃ ᐊᒻᒪᓗ ᑲᑐᔾᔨᓂᖃᕐᓗᑎᒃ ᐱᓕᕆᓂᖃᖅᐸᖕᓂᐊᕐᓂᕐᒥᖕᓄᑦ ᓴᖅᑭᑉᐸᓪᓕᐊᓪᓗᑎᒃ ᐱᕙᓪᓕᐊᔪᓕᕆᓂᐅᔪᓂᒃ.
ᐃᓄᐃᑦ ᐊᑯᓂᐊᓗᒃ ᐃᓚᐃᓐᓈᖅᑎᑕᐅᖃᑦᑕᖅᓯᒪᓕᖅᐳᑦ, ᐱᑦᓯᐊᖅᑕᐅᖖᒋᖃᑦᑕᖅᓯᒪᓕᖅᓱᑎᒃ ᐊᒻᒪ ᐋᓐᓂᖅᑎᒐᐅᖃᑦᑕᖅᓯᒪᓕᖅᓱᑎᒃ ᐱᕋᔭᒃᓯᒪᔪᓄᑦ ᐃᖅᑲᖅᑐᐃᕝᕕᓕᕆᓂᕐᒥ ᐱᓕᕆᔾᔪᑎᐅᕙᒃᑐᑦ ᐃᓗᐊᓂ. ᓄᓇᓕᒋᔭᑦᑎᓐᓂ ᐱᓕᕆᓂᐅᖃᑦᑕᖅᓯᒪᔪᑦ ᐸᓖᓯᒃᑯᓐᓂᒃ ᐊᒃᓱᕈᕐᓇᖅᑑᖃᑦᑕᖅᓯᒪᓪᓗᑎᒃ. ᑖᒃᑯᑎᒎᓇᖅ ᓄᑖᖑᓪᓗᑎᒃ ᐱᓕᕆᐊᖑᔪᒃᓴᐅᓪᓗᑎᒃ ᐸᕐᓇᐅᑎᑎᒍᑦ ᓂᕆᐅᖕᓂᖅᑕᖃᓕᕐᒪᑦ ᐱᕈᖅᑎᑦᑎᓯᒪᓕᕆᐊᒥᒃ ᓄᑖᖑᔪᑎᒍᑦ ᐱᓕᕆᖃᑎᒌᒃᐸᓐᓂᐅᓂᐊᖅᑐᓂᒃ ᑐᖖᒐᕝᕕᖃᖅᑎᑕᐅᓯᒪᓪᓗᑎᒃ ᐅᐱᒋᑐᕋᐅᑦᓯᐊᕐᓂᕐᓄᑦ ᐊᒻᒪᓗ ᐅᒃᐱᕆᑐᕋᐅᑦᓯᐊᕈᖕᓇᕐᓂᕐᓄᑦ.
ᑕᒪᑦᑕᐅᓪᓗᑕ ᐅᒃᐱᕆᑐᕋᐅᑦᓯᐊᕈᖕᓇᕐᓂᖅ, ᐅᐱᒋᑐᕋᐅᑦᓯᐊᕈᖕᓇᕐᓂᖅ ᐊᒻᒪ ᐃᒃᐱᒋᑐᕋᐅᑦᓯᐊᕈᖕᓇᕐᓂᖅ ᐱᑕᖃᕆᐊᖃᕐᒪᑕ ᐱᕈᖅᑎᑦᓯᕙᓪᓕᐊᓂᑦᑎᖕᓂ ᓈᒻᒪᑦᓯᐊᖅᑐᑎᒍᑦ ᐱᓕᕆᖃᑎᒌᓕᕈᖕᓇᕐᓂᖏᑕ ᐸᓖᓯᒃᑯᑦ ᐊᒻᒪ ᐃᓄᐃᑦ ᓄᓇᓕᒋᔭᖏᓂᕐᒥᐅᑦ. ᐸᓖᓯᒃᑯᑦ (RCMP) ᐱᓕᕆᖃᑎᖃᕐᓂᐊᖅᑐᑦ ᐃᓄᐃᑦ ᑕᐱᕇᒃᑯᖏᓂᒃ ᑲᓇᑕᒥ (ITK) ᐊᑐᓕᖅᑎᑦᓯᓂᕐᒥ ᑖᒃᑯᓂᖓ ᐱᓕᕆᐊᖑᔪᒃᓴᐅᓪᓗᑎᒃ ᐸᕐᓇᐅᑎᓂᒃ ᐋᖅᑭᒃᓱᒐᐅᓯᒪᓕᖁᓪᓗᒋᑦ, ᐱᕈᖅᑎᑕᐅᓯᒪᓕᒃᑲᓐᓂᖁᓪᓗᒋᑦ ᐊᒻᒪ ᐱᐅᓯᒋᐊᖅᑎᑕᐅᓯᒪᓕᖁᓪᓗᒋᑦ ᐱᓕᕆᖃᑎᖃᖅᐸᖕᓂᕗᑦ ᓄᓇᓕᒋᔭᐅᔪᓂᒃ ᐃᓄᐃᑦ ᓄᓇᖓᓐᓂ.
ITK-ᑯᑦ ᑲᓇᑕᒥ ᐱᔾᔪᑎᖃᖅᑎᒋᔭᐅᔫᓪᓗᑎᒃ ᑲᑐᔾᔨᖃᑎᒌᒋᔭᐅᕗᑦ ᐃᓄᖕᓄᑦ ᑲᓇᑕᒥ. ᐃᓄᐃᑦ ᓄᓇᖓᑦ ᓯᑕᒪᐅᔪᓄᑦ ᐊᕕᒃᑐᖅᓯᒪᓂᖃᕐᐳᖅ: ᐃᓄᕕᐊᓗᐃᑦ (ᓄᓇᑦᓯᐊᖅ), ᓄᓇᕗᑦ, ᓄᓇᕕᒃ (ᑯᐃᐸᒃ ᑕᖅᕋᖓ) ᐊᒻᒪ ᓄᓇᑦᓯᐊᕗᑦ (ᓂᐅᕙᐅᓐᓛᓐ ᐊᒻᒪᓗ ᓛᐸᑐᐊᕆ.)
ᐸᓖᓯᒃᑯᑦ (RCMP) ᐱᑕᖃᖅᑎᑦᓯᔨᐅᕙᒃᐳᑦ ᐸᓖᓯᖃᖅᑎᑦᓯᕙᖕᓂᕐᓄᑦ ᐅᖓᑖᓄᐊᖅᑐᓂᒃ 70 ᐳᕐᓴᓐᑎᖓᓂᑦ ᐃᓄᐃᑦ ᓄᓇᓕᒋᔭᖏᓂ ᐃᓄᐃᑦ ᓄᓇᓗᒃᑖᖓᓂ, ᐃᓚᖃᖅᖢᑎᒃ ᓄᓇᕗᑦ, ᓄᓇᑦᓯᐊᕗᑦ ᐊᒻᒪ ᐃᓄᕕᐊᓗᐃᑦ ᐊᕕᒃᑐᖅᓯᒪᓂᖓᓂ.
ᐃᓄᐃᑦ ᑕᐱᕇᑦ ᑲᓇᑕᒥ
media@itk.ca
ᐸᓖᓯᒃᑯᑦ (RMCP)
RCMP.HQMediaRelations-DGRelationsmedias.GRC@rcmp-grc.gc.ca
inuktiˈtut
Inuit Tapiriit Kanatami amma Paliisikkut (RCMP) katujjillutik piliriqatigiingningit piusigiaqtitauqullugit Paliisikkut amma Inuit piliriqatigiikpanningit
Katimaqatigiigaanikkamik December 2021-mi Commissioner Brenda Lucki, Royal Canadian Mounted Police-kunnut (RCMP/Paliisikkut) amma Angijuqqaaq Natan Obed, Inuit Tapiriit Kanatami (ITK), tamarmiullutik katujjiqatigiingujuuk aaqqiksuisimaliqtuk amiqqarutigilunitjuk pilirianguniaqtunik ikajurutiksaullutik piusigiaqtitausimaniksangita piliriqatigiikpanniujunut Inuit nunaligijanginnit amma Paliisikkunnit (RCMP).
Parnautiliurningat pigiarviuvuq katujjiqatigiikłutik piliriqatigiilirniarningita Paliisikkut (RCMP) amma Inuit Canadaup qutsingningagut piliriangusimaliqullugit ilakuuniqarviujut amma sivulliqpautitaksaujut paliisiqaqpangnilirinirni, turaarviksaqaqtitaullutik piruqtitsisimaliriamingnut takuksautsiaqtutigut amma ukpiriturautsiarungnarninginik.
Amisut piliriangulirialiit saqqititausimavut atuliqujaullutik isumaliurutiusimalilauqtunit Canadami Inuit Pilirianguliqtuksanut Parnautiliarisimajanginit pijjutigillugit Asiujijausimajut ammalu Inuaqtausimajut Inuit Arnait, Niviaqsiat ammalu 2SLGBTQQIA+-ngullutik Inuuqatigiiktuit, ilaqaqtitsisimallutik Inuit sivulliqpautitauqujanginik Ikajuqtugausimaliqullugit Tiliurijjutiusimajut atuliqtitauqullugit Canadami Tukisisimaliriarniulauqtunit Qaujisainiqtigut Asiujijausimajunut ammalu Inuaqtausimajunut Nunaqaqqaaqsimajuit Arnanginit ammalu Niviaqsianginit. Tamakkua piliriangujut maliktitaungmijut gavamatuqakkut piliriariniarniraqsimallugit nalunaiqsimajanginik maliktitaullutik Gavamatuqakkut Naukkuurviksaqutinginni piliriangusimaliqullugik Asiujijausimajut ammalu Inuaqtausimajunut Nunaqaqqaaqsimajuit Arnangit, Niviaqsiangit amma 2SLGBTQQIA+-ngullutik Inuuqatigiiktuit.
Paliisikkut (RCMP) piliriqatiqarniaqtut Inuit Tapiriikkunnik Kanatami (ITK) makununga turaaqtitausimajunut:
- tukisigirviksaqutiminnik amiqqarutiqarniarnirmut ingminiiqłutik tuqujjutiqaqsimajunut, imminiiqłutik tuqujjutiqarasuksimajunut amma imminiirumanirmut isummiqsimaqattaqsimajunut
- pijariaqaqtitaullutik piusituqalirinirmut pilimmaksajausimajariaqarningita paliisiujut iqqanaijaaqaqtunut Inuit nunanganni
- amisuruqtitausimalirniksangita inungnut pijjutiqaqtiujunut Paliisikkut (RCMP) pilirivvingita iluani amma piusigiaqtitausimalirlutik inuktut uqallagungnaqtunik iqqanaijaqtiqarunnarningita
- katujjiqatigiiklutik piliriqatauninginnik turaangajunut gavamatuqakkut nunaqaqqaaqsimajuit iqqaqtuivvilirinirmi parnautilianginnut sivuliqtiqarlutik kanatami iqqaqtuivvilirijirjuakkunginnik.
Ilagijauqataulluni piliriangujuksaullutik parnautinut, Paliisikkut (RCMP) piliriniqaqattarniarnirminnik nalunaiqsisimavut qaujigiarviqaqattarniarnirminnut Inuit sivuliqtigijanginnit nautsiqtuinirmingni pilirianguliqsimajunik. Tamarmik katujjiqatigiingujuuk piliriaksaqarmatik amiqqarutiqaqattarniarnirminnut tusagaksaqutimingnik ammalu katujjiniqarlutik piliriniqaqpangniarnirmingnut saqqippalliallutik pivalliajuliriniujunik.
Inuit akunialuk ilainnaaqtitauqattaqsimaliqput, pitsiaqtaunngiqattaqsimaliqsutik amma aanniqtigauqattaqsimaliqsutik pirajaksimajunut iqqaqtuivvilirinirmi pilirijjutiuvaktut iluani. nunaligijattinni piliriniuqattaqsimajut paliisikkunnik aksururnaqtuuqattaqsimallutik. taakkutiguunaq nutaangullutik piliriangujuksaullutik parnautitigut niriungniqtaqalirmat piruqtittisimaliriamik nutaangujutigut piliriqatigiikpanniuniaqtunik tunngavviqaqtitausimallutik upigiturautsiarnirnut ammalu ukpiriturautsiarungnarnirnut.
Tamattaulluta ukpiriturautsiarungnarniq, upigiturautsiarungnarniq amma ikpigiturautsiarungnarniq pitaqariaqarmata piruqtitsivallianittingni naammatsiaqtutigut piliriqatigiilirungnarningita Paliisikkut amma Inuit nunaligijanginirmiut. Paliisikkut (RCMP) piliriqatiqarniaqtut Inuit tapiriikkunginik kanatami (ITK) atuliqtitsinirmi taakkuninga piliriangujuksaullutik parnautinik aaqqiksugausimaliqullugit, piruqtitausimalikkanniqullugit amma piusigiaqtitausimaliqullugit piliriqatiqaqpangnivut nunaligijaujunik Inuit Nunanganni.
ITK-kut Canadami pijjutiqaqtigijaujuullutik katujjiqatigiigijauvut Inungnut Canadami. Inuit Nunangat sitamaujunut aviktuqsimaniqarpuq: Inuvialuit (Nunatsiaq), Nunavut, Nunavik (Quebec Taqranga) amma Nunatsiavut (Newfoundland ammalu Labrador.)
Paliisikkut (RCMP) pitaqaqtitsijiuvakput paliisiqaqtitsivangnirnut ungataanuaqtunik 70 pursantinganit Inuit nunaligijangini Inuit Nunaluktaangani, ilaqaqłutik Nunavut, Nunatsiavut amma Inuvialuit Aviktuqsimaningani.
Inuit Tapiriit Kanatami
media@itk.ca
Paliisikkut (RMCP)
RCMP.HQMediaRelations-DGRelationsmedias.GRC@rcmp-grc.gc.ca