Royal Canadian Mounted Police
Symbol of the Government of Canada

Common menu bar links

ᑐᖅᑯᐃᓯᒪᑦᑎᐊᖃᑦᑕᕐᓂᖅ, ᓇᒃᓴᖃᑦᑕᕐᓂᖅ ᐊᐅᓪᓚᐅᔾᔨᖃᑦᑕᓂᕐᓗᓐᓃᑦ ᐊᒻᒪᓗ ᓴᖅᑭᐅᒪᔮᖅᑎᑦᑎᖃᑦᑕᕐᓂᖅ ᖁᑭᐅᑎᓂᒃ

If you cannot view the characters on this page, download the "Pigiarniq" font package available from the Government of Nunavut Web site.

ᐅᓗᕆᐊᓇᖅᑐᒦᑦᑕᐃᓕᒋᑦ! ᐱᓂᕐᓗᒃᑎᑦᑎᑕᐃᓕᒪᖃᑕᐅᒋᑦ ᖁᑭᐅᑎᓄᑦ!

ᐱᒻᒪᕆᐅᕗᖅ ᑐᖅᑯᖅᓯᖃᑦᑕᕐᓂᖅ, ᐊᐅᓪᓚᐅᔾᔨᖃᑦᑕᕐᓂᖅ ᐊᒻᒪ ᑕᑯᔭᒃᓴᐅᑎᑦᑎᖃᑦᑕᕐᓂᖅ ᖁᑭᐅᑎᓐᓂᒃ ᐊᑦᑕᓇᓐᖏᓪᓗᓂ ᐱᕐᓗᐊᕿᔪᖃᖁᓇᒍ ᐊᒻᒪ ᐊᓯᐅᑦᑕᐃᓕᖁᓪᓗᒍ ᐊᒻᒪ ᑎᓪᓕᒐᐅᑦᑕᐃᓕᖁᓪᓗᒍ.
ᓴᐳᑎᓯᒪᒋᐊᕐᓗᑎᑦ ᐊᒻᒪ ᐊᓯᑎᑦ.

ᑕᒪᒃᑯᐊ ᐱᖁᔭᐅᔪᑦ ᐃᓕᖓᕗᑦ ᐃᓄᓐᓄᑦ ᐃᓛᒃᑯᑦ.
ᐊᔾᔨᒌᓐᖏᑦᑐᓂᒃ ᒪᓕᒐᖅᑕᖃᖅᐳᖅ ᐱᓕᕆᕕᓐᓄᑦ.

ᑐᖅᑯᖅᓯᓯᒪᑦᑎᐊᕐᓂᖅ ᖁᑭᐅᑎᓂᒃ ᐅᓗᕆᐊᓇᙱᓪᓗᒋᑦ

ᖃᕐᔪᐃᖅᓯᒪᖃᑦᑕᕐᓗᒋᑦ ᐊᒻᒪᓗ ᑮᒍᑎᓯᒪᖃᑦᑕᕐᓗᒋᑦ ᐸᓐᖓᐃᖅᓯᒪᖃᑦᑕᕐᓗᒋᓪᓗᓐᓃᑦ ᖁᑭᐅᑎᑎᑦ!

ᑐᖅᑯᖅᓯᒪᑦᑎᐊᖃᑦᑕᕐᓗᒋᑦ ᖃᕐᔪᐃᑦ ᐊᓯᐊᓃᑎᓪᓗᒋᑦ ᐅᕝᕙᓗᓐᓃᑦ ᑮᒃᓯᒪᔪᒦᑎᖃᑦᑕᕐᓗᒋᑦ. ᑐᖅᑯᖅᑕᐅᓯᒪᔪᓐᓇᖅᑐᑦ ᑕᐃᑲᓂᑦᓴᐃᓐᓇᖅ ᖁᑭᐅᑎᓂ ᑮᒃᑕᐅᓯᒪᔪᓂ.

ᖁᑭᐅᑏᑦ ᐊᔪᕐᓇᖅᑎᑕᐅᙱᑦᑐᑦ ᐱᓯᒪᔭᐅᔪᓐᓇᕐᓂᖅ

  • ᐃᓕᓯᓯᒪᓗᑎᑦ ᐸᓐᖓᐃᕈᑎᒥᒃ, ᓲᕐᓗ ᑮᓚᒐᖏᓐᓄᑦ ᐸᓐᖓᐃᕈᓐᓇᖅᑐᒥᒃ ᑮᒍᓐᓇᖅᑐᒥᒃ ᐅᕝᕙᓗᓐᓃᑦ ᓴᕕᒐᐅᔭᖃᖅᑐᓂᒃ ᑮᒍᑎᒥᒃ (ᐅᕝᕙᓗᓐᓃᑦ ᐲᕐᓗᒍ ᕿᐱᓴᐅᑎᖓ ᖁᑭᕆᐊᕈᑕᐅᔪᓐᓇᕐᓂᐊᙱᒻᒪᑦ) ; ᐅᕝᕙᓗᓐᓃᑦ

trigger lock cable lock

  • ᑮᒃᓯᒪᓗᒋᑦ ᐸᓐᖓᐃᖅᓯᒪᓗᒋᑦ ᖁᑭᐅᑏᑦ ᑐᖅᑯᖅᓯᒪᕝᕕᖕᒥ, ᐃᓗᓕᖃᕐᕕᖕᒥᒃ ᐅᕝᕙᓗᓐᓃᑦ ᖃᕆᐊᕐᒥ/ᐃᒡᓗᕈᓯᕐᒥ ᐃᑎᖅᑕᐅᓴᕋᐃᓐᓇᔭᙱᑦᑐᒥ.

locked container locked cabinet

ᒪᓕᒐᖃᖅᑎᑕᐅᔪᑦ ᐊᒻᒪᓗ ᐊᔪᕐᓇᖅᑎᑕᐅᔪᑦ ᐊᑐᖅᑕᐅᔪᓐᓇᕐᓂᖅ ᖁᑭᐅᑏᑦ

  • ᐃᓕᓯᓯᒪᓗᑎᑦ ᒪᑐᐃᖅᑕᐅᔪᓐᓇᙱᑦᑐᒥᒃ ᑮᒍᑎᓕᖕᒥᒃ ᑕᐃᒃᑯᐊ ᖁᑭᐅᑏᑦ ᖁᑭᕆᐊᕈᑕᐅᔪᓐᓇᕐᓂᐊᙱᒻᒪᑕ ᐊᒻᒪᓗ ᑮᒃᓯᒪᔪᒦᑎᓪᓗᒋᑦ ᖁᑭᐅᑏᑦ ᑐᖅᑯᖅᓯᒪᕝᕕᖕᒥ, ᐃᓗᓕᖃᕐᕕᖕᒥ ᐅᕝᕙᓗᓐᓃᑦ ᖃᕆᐊᕐᒥ/ᐃᒡᓗᕈᓯᕐᒥ ᐃᑎᖅᑕᐅᓴᕋᐃᓐᓇᔭᙱᑦᑐᒥ; ᐅᕝᕙᓗᓐᓃᑦ

trigger locks

  • ᑮᒃᓯᒪᓗᒋᑦ ᐃᓕᓯᓯᒪᕝᕕᖕᒥ ᐊᓐᓂᕐᓇᖅᑐᓂᒃ ᐱᖁᑎᓂᒃ ᐃᓕᓯᓯᒪᕝᕕᓕᐊᖑᔪᒥ, ᐃᒡᓗᕈᓯᕐᒥᓘᓐᓃᑦ ᓴᓇᔭᐅᓯᒪᔪᒥ ᖁᑭᐅᑎᓂᒃ ᑐᖅᑯᖅᓯᓯᒪᕝᕕᒃᓴᐅᓗᓂ.
  • ᖃᕐᔪᓕᑲᐅᑎᒋᓲᓄᑦ ᖁᑭᐅᑎᓄᑦ, ᐲᔭᕆᐊᖃᕐᒥᔪᑦ ᖁᑭᕆᐊᕈᑎᖏᑦ ᐲᖅᑕᐅᓯᒪᓗᑎᒃ ᐅᕝᕙᓘᓐᓃᑦ ᖁᑭᕆᐊᕈᑎᓄᑦ ᐃᓚᒃᓴᐃᑦ (ᐲᕉᓐᓇᖅᐸᑕ) ᐊᒻᒪᓗ ᑮᒃᓯᒪᔪᒦᑦᑎᓪᓗᒋᑦ ᐃᒡᓗᕈᓯᕐᒥ/ᖃᕆᐊᕐᒥ ᐃᖕᒥᒃᑰᖅᑐᓂ, ᐃᑎᖅᑕᐅᓴᕋᐃᙱᑦᑐᒥ.

ᐊᐅᓪᓛᕈᔾᔨᓂᖅ ᖁᑭᐅᑎᓂᒃ ᐅᓗᕆᐊᓇᙱᑦᑐᒃᑯᑦ

ᖁᑭᐅᑏᑦ ᐊᔪᕐᓇᖅᑎᑕᐅᙱᑦᑐᑦ ᐱᓯᒪᔭᐅᔪᓐᓇᕐᓂᖅ

ᖁᑭᐅᑏᑦ ᖃᕐᔪᐃᔭᖅᑕᐅᓯᒪᖃᑦᑕᕆᐊᖃᖅᑐᑦ ᐊᐅᓪᓛᕉᑕᐅᓂᖏᓐᓂ.

ᒪᓕᒐᖃᖅᑎᑕᐅᔪᑦ ᐊᒻᒪᓗ ᐊᔪᕐᓇᖅᑎᑕᐅᔪᑦ ᐊᑐᖅᑕᐅᔪᓐᓇᕐᓂᖅ ᖁᑭᐅᑏᑦ

  • ᖃᕐᔪᖏᑦ ᐲᔭᕐᓗᒋᑦ; ᐊᒻᒪᓗ
  • ᐃᓕᓯᕕᒋᓗᒋᑦ ᐸᓐᖓᐃᕈᑎᓕᖕᒥᒃ ᐊᑕᔪᒥᒃ ᖁᑭᐅᑏᑦ; ᐊᒻᒪᓗ
  • ᐸᖓᐃᕐᓗᒋᑦ ᖁᑭᐅᑎᑦ ᓴᙱᔪᒥ, ᑕᑯᒃᓴᐅᙱᑦᑐᒥ ᐃᓕᓯᕝᕕᖕᒥ ᐴᕐᒥ; ᐊᒻᒪᓗ
  • ᐲᔭᕐᓗᒋᑦ ᐊᒧᓲᑦ ᕿᐱᓴᐅᑎᖏᑦ ᐲᖅᑕᖅᑐᑦ ᐅᕝᕙᓘᓐᓃᑦ ᖁᑭᕆᐊᕈᑎᓂ ᐃᓚᖓ, ᖁᑭᕆᐊᑲᐅᑎᒋᔪᓐᓇᖅᑐᓂᒃ ᖁᑭᐅᑎᓂᒃ ᐱᑕᖃᖅᑐᓂᒃ (ᐲᔭᕈᓐᓇᖅᐸᑦ).
  • ᐱᓯᒪᓗᑎᑦ ᓅᑦᑎᔪᓐᓇᐅᑎᒥᒃ ᖁᑭᐅᑎᓂᒃ (ᐅᖄᓚᕕᒋᓗᒍ 1-800-731-4000)

ᕿᒪᐅᒪᓂᐊᕐᓂᖅ ᖃᓄᐃᑦᑐᑐᐃᓐᓇᑦᑎᐊᒥᒃ ᖁᑭᐅᑎᒥᒃ ᐃᓄᖃᙱᑦᑐᒥ ᓄᓇᒃᑰᕈᒻᒥ

locked container

  • ᑮᒃᓯᒪᔪᒦᑎᓪᓗᒋᑦ ᐸᓐᖓᐃᖅᓯᒪᔪᒥ ᖁᑭᐅᑏᑦ ᐊᒻᒪᓗ ᑮᒃᓯᒪᔪᒥ ᐴᖅᓯᓯᒪᕝᕕᖕᒥ ᓇᒃᓴᖅᑕᐅᓂᖏᓐᓂ (ᐊᐅᓪᓚᐅᔾᔨᓯᒪᓂᖏᓐᓂ) ᒪᓕᒐᖃᖅᑎᑕᐅᔪᑦ ᐅᕝᕙᓗᓐᓃᑦ ᒪᓕᒐᖅᑎᒍᑦ ᐊᔪᖅᑎᑕᐅᔪᑦ ᓄᓇᒃᑰᕈᑎᐅᑉ ᑐᖅᑯᖅᓯᓯᒪᕝᕕᖓᓐᓂ ᐅᕝᕙᓘᓐᓃᑦ ᐊᓯᐊᓂ ᑮᒍᓐᓇᖅᑐᒥ ᐸᓐᖓᐃᕈᓐᓇᖅᑐᒥ ᐃᓕᓯᓯᒪᕝᕕᖕᒥ.
  • ᓄᓇᒃᑰᕈᑏᑦ ᑐᖅᑯᖅᓯᓯᒪᕝᕕᖃᙱᑉᐸᑦ ᐅᕝᕙᓘᓐᓃᑦ ᐃᓕᓯᕝᕕᖕᒥᒃ ᑮᒍᓐᓇᖅᑐᒥᒃ ᐸᓐᖓᐃᕈᓐᓇᖅᑐᒥ, ᐃᓕᓯᒪᓗᒋᑦ ᖁᑭᐅᑏᑦ ᑕᑯᒃᓴᐅᙱᑦᑐᒥ ᓄᓇᒃᑰᕈᑎᐅᑉ ᐃᓗᐊᓂ, ᐊᒻᒪᓗ ᓄᓇᒃᑰᕈᑏᑦ ᐸᓐᖓᐃᕐᓗᒍ ᑮᒡᓗᒍ.
  • ᓇᓂᑐᐃᓇᖅ ᐅᖓᓯᒃᑐᒦᒃᑯᕕᑦ ᓄᓇᒥ, ᑮᒍᓐᓇᙱᒃᑯᕕᐅᒃ ᓄᓇᒃᑰᕈᑎᕕᑦ ᐃᓗᐊᓂᓗᓂ ᐃᓱᒪᖅᓲᑕᐅᔭᕆᐊᖃᙱᑦᑐᖅ ᖁᑭᐅᑏᑦ, ᖃᕐᔪᐃᔭᕐᓗᒍ ᑕᓕᖓᔪᒦᑎᓪᓗᒍᓗ. ᐃᓕᓯᓯᒪᓂᐊᖅᐳᑎᑦ ᒪᑐᐃᖅᑕᐅᔪᓐᓇᙱᑦᑐᓂᒃ ᐃᓚᒃᓴᒥᒃ ᖁᑭᐅᑎᖕᓄᑦ, ᐊᑐᕐᓂᐊᙱᑉᐸᑦ ᐃᖅᓯᓇᖅᑐᓄᑦ ᐆᒪᔪᓄᑦ .

ᓴᖅᑭᐅᒪᑎᑕᐅᓂᖏᑦ ᖁᑭᐅᑏᑦ ᐅᓗᕆᐊᓇᙱᑦᑐᒥ

ᖃᕐᔪᐃᔭᖅᓯᒪᖃᑦᑕᕐᓗᒋᑦ ᐊᒻᒪᓗ ᑮᒃᓯᒪᔪᒥᒃ ᐸᖓᐃᖅᓯᒪᔪᒦᑎᖃᑦᑕᕐᓗᒋᑦ ᖁᑭᐅᑏᑦ!

ᑕᒡᕙ ᐅᑯᐊ ᒪᓕᒐᐃᑦ ᒪᓕᒃᑕᐅᔭᕆᐊᓖᑦ ᓴᖅᑭᐅᒪᓂᐊᖅᐸᑕ ᖁᑭᐅᑏᑦ ᐃᓕᔅᓯᓐᓂ:
ᖃᕐᔪᐃᑦ ᓴᖅᑭᐅᒪᑎᑕᐅᔪᓐᓇᓐᖏᑦᑐᑦ, ᐅᕝᕙᓘᓐᓃᑦ ᑎᒎᖃᖅᑕᐅᓯᒪᔪᒦᑦᑐᓐᓇᙱᑦᑐᑦ, ᖃᓂᒋᔭᖏᓐᓂ ᖁᑭᐅᑏᑦ.

ᖁᑭᐅᑏᑦ ᐊᔪᕐᓇᖅᑎᑕᐅᙱᑦᑐᑦ ᐱᓯᒪᔭᐅᔪᓐᓇᕐᓂᖅ

firearms with secure locking devices on a rack

  • ᑮᒃᓯᒪᔾᔪᑎᒃᓴᓂᒃ ᐸᓐᖓᐃᖅᓯᒪᔾᔪᑎᓂᒃ ᐃᓕᓯᓯᒪᖃᑦᑕᕐᓗᑎᑦ ᖁᑭᐅᑎᓄᑦ; ᐅᕝᕙᓗᓐᓃᑦ
  • ᐸᓐᖓᐃᖅᓯᒪᔪᒦᑎᓪᓗᒋᑦ ᐃᓕᓯᕝᕕᖕᒥ, ᐴᕐᒥ ᐃᒡᓗᕈᓯᕐᒥᓘᓐᓃᑦ ᐃᓵᖅᑕᐅᓴᕋᐃᓇᔭᙱᑦᑐᒥ.

ᒪᓕᒐᖃᖅᑎᑕᐅᔪᑦ ᐊᒻᒪᓗ ᐊᔪᕐᓇᖅᑎᑕᐅᔪᑦ ᐊᑐᖅᑕᐅᔪᓐᓇᕐᓂᖅ ᖁᑭᐅᑏᑦ

  • ᐃᓕᓯᓯᒪᓗᑎᑦ ᑮᒃᓯᒪᔾᔪᑎᒃᓴᓂᒃ ᐸᓐᖓᐃᖅᓯᒪᔾᔪᑎᓂᒃ ᖁᑭᐅᑎᓄᑦ; ᐊᒻᒪᓗ
  • ᓱᓇᑐᐃᓐᓇᕐᒥᒃ ᐃᓕᓯᕝᕕᒋᓯᒪᓗᒋᑦ ᐲᖅᑕᐅᔪᓐᓇᙱᑐᒥᒃ.
  • ᖁᑭᕆᐊᑲᐅᑎᒋᓲᓂ ᖁᑭᐅᑎᓂ, ᐲᔭᕐᓗᒋᑦ ᐸᑲᓂᒃᓯᔾᔪᑎᖏᑦ ᖃᕐᔪᕐᓂᒃ ᐅᕝᕙᓗᓐᓃᑦ ᐲᕈᓐᓇᖅᑐᑦ ᖃᕐᔪᖃᕐᕕᖏᑦ (ᐲᒐᒃᓴᐅᒃᐸᑕ) ᐊᒻᒪᓗ ᑮᒃᓯᒪᔪᒥ ᐸᓐᖓᐃᖅᓯᒪᔪᒦᓪᓗᑎᒃ, ᐃᒡᓗᕈᓯᕐᒥ ᐊᓯᐊᓂ ᐃᓵᖅᑕᐅᓴᕋᐃᙱᑦᑐᒥ.

ᐃᓚᖏᑦ ᒪᓕᒃᑕᐅᔭᕆᐊᓖᑦ ᐊᔾᔨᒋᔭᐅᓐᖏᑐᐃᓐᓇᕆᐊᖃᖅᐳᑦ ᖁᑭᐅᑎᓄᑦ ᓴᖅᑭᔮᖅᑎᑕᐅᔪᓄᑦ ᐊᖏᕐᕋᒥᐅᓐᖏᑦᑐᖅ - ᐆᑦᑐᕋᐅᑎᒋᓗᒍ ᓲᕐᓗ ᖁᑭᐅᑎᓂᒃ ᑕᑯᔭᒃᓴᐅᑎᑦᑎᕕᕐᒥ. ᐅᖃᕐᓗᑎᑦ ᑲᓇᑕᒥ ᐸᓖᓯᒃᑯᓄᑦ ᐳᑭᖅᑕᓕᒃᑯᓐᓄᑦ ᑲᓇᑕᒥ ᖁᑭᐅᑎᓕᕆᔾᔪᑎᖏᓐᓂᒃ ᑐᑭᓯᒋᐊᒃᑲᓐᓂᕈᒪᒍᕕᑦ.

ᖃᐅᔨᒋᐊᕐᕕᒃᓴᐃᑦ

ᑐᑭᓯᓂᐊᒃᑲᓐᓂᕈᒪᒍᕕᑦ, ᐅᕝᕙᓘᓐᓃᑦ ᐅᖃᐅᓯᖃᕈᒪᒍᕕᑦ ᐃᓄᓕᒫᓄᑦ ᐅᓗᕆᐊᓇᖅᑐᒦᑦᑐᖃᕆᐊᖃᙱᑦᑐᓂᒃ ᐃᓱᒪᓘᑕᐅᔪᓂᒃ, ᐅᖃᕐᕕᐅᓂᐊᖅᑐᑦ ᖁᑭᐅᑎᓕᕆᔨᑦ ᑲᓇᑕᒥ ᓇᓕᐊᖕᓂᑐᐃᓐᓇᖅ ᐅᑯᓇᖓ:

1-800-731-4000 (ᐊᑭᖃᖏᑦᑐᖅ)
www.rcmp-grc.gc.ca/cfp
cfp-pcaf@rcmp-grc.gc.ca

ᐃᖅᑲᐅᒪᓂᐊᖅᐳᑎᑦ

  • ᐃᖅᑲᐅᒪᓂᐊᖅᐳᑎᑦ ᓄᑖᓐᖑᖅᑎᒋᐊᖓ ᖁᑭᐅᑎᖃᕈᓐᓇᐅᑏᑦ ᓚᐃᓴᓐᓯ ᐊᑐᕋᓐᓃᓪᓚᐅᖅᑎᓐᓇᒍ
  • ᐅᖃᕐᕕᒋᓗᒋᑦ ᑲᓇᑕᒥ ᖁᑭᐅᓯᕆᔨᑦ ᑲᒪᔨᐅᔪᑦ 30 ᐅᓪᓗᐃᑦ ᐃᓗᐊᓂ, ᑐᕌᖅᑕᐅᕝᕖᑦ ᐊᓯᔾᔨᖅᐸᑦ

ᑖᓐᓇ ᐅᖃᓕᒫᒐᓛᖅ ᐱᑕᖃᖅᑎᑎᔾᔪᑕᐅᓇᓱᐊᖅᑐᖅ ᑐᑭᓯᒋᐊᕈᑎᒃᓴᓂᒃ. ᒪᓕᒐᖅᑎᒍᑦ ᑐᑭᓯᒋᐊᕈᑎᓄᑦ, ᐊᑏ ᖃᐅᔨᒋᐊᕐᕕᒋᓗᒋᑦ ᑐᖅᑯᖅᓯᓂᕐᒧᑦ, ᓴᖅᑭᐅᒪᔪᒦᑎᑦᑎᓂᕐᒧᑦ, ᐊᐅᓪᓛᕈᑎᖃᕐᓂᕐᒧᑦ ᐊᒻᒪ ᑲᒪᒋᔭᖃᕐᓂᕐᒧᑦ ᖁᑭᐅᑎᒥᒃ ᐃᓄᓐᓄᑦ ᒪᓕᒐᕐᓂᒃ. ᐊᕕᑦᑐᖅᓯᒪᔪᓂ ᖃᓪᓗᓈᑦ ᓄᓇᖓᓐᓂ ᐊᒻᒪ ᐅᑭᐅᖅᑕᖅᑐᒥ ᐊᒻᒪ ᓄᓇᓕᓐᓂ ᒪᓕᒐᐃᑦ, ᐱᖁᔭᐃᑦ ᐊᒻᒪ ᐊᑐᐊᒐᐃᑦ ᐃᓕᖓᑐᐃᓐᓇᕆᐊᖃᕆᕗᑦ.